माळीनगर जिल्हा परिषद शाळेत शिक्षक दिन उत्साहात साजरा

देहू: माळीनगर येथील जिल्हा परिषद शाळेत शिक्षक दिन उत्साहात साजरा करण्यात आला. भारताचे माजी राष्ट्रपती व महान शिक्षणतज्ज्ञ डॉ. सर्वपल्ली राधाकृष्णन यांच्या जयंतीनिमित्त त्यांच्या प्रतिमेस पुष्पहार अर्पण करण्यात आला व आदरांजली वाहण्यात आली.
शाळेचे मुख्याध्यापक संजय वाघ , शिक्षक विवेक नरवडे आणि शिक्षिका मिनाक्षी वानखेडे यांचा सन्मान करून त्यांच्या शैक्षणिक योगदानाबद्दल कृतज्ञता व्यक्त करण्यात आली.
मिल्ट्री इंजिनिअरिंग सर्विसेसच्या एम्प्लॉईज को-ऑपरेटिव्ह क्रेडिट सोसायटीचे राजेश टिळेकर, देहू देहूरोड मंडल भाजपचे सरचिटणीस नारायण पचपिंड, युवा मोर्चाचे सरचिटणीस प्रद्युम्न टिळेकर व इतर उपस्थित होते.
यावेळी शिक्षक व विद्यार्थी मोठ्या संख्येने उपस्थित होते.